ڈومیسائل قواعد:جموں‌کشمیر کی ڈیموگرافی کیسے ناقابل یقین حد تک تبدیل ہوگی…….؟

تحریر: اعجاز اشرف ، وگنیش کارتک کے آر
ترجمہ: سٹاف ڈیلی مجادلہ

1990 کی دہائی میں جموں و کشمیر(بھارتی زیر انتظام جموں‌کشمیر) میں‌یہ امکان شدت کے ساتھ پھیلنا شروع ہوا کہ مرکزی حکومت مسلمانوں کے درمیان عسکریت پسندوں‌کی پناہ گاہوں کا راستہ روکنے کےلئے آبادیاتی تبدیلی کرنا چاہتی ہے. مسلمان اس وقت آبادی کا 68 فیصد حصہ تھے. یہ قیاس آرائیاں اس لئے پیدا ہوئیں کہ مرکزی آئین کی بنیاد پر مرکزی حکومت نے قانونی طور پر اصرار کیا کہ جموں کشمیر ہندوستان کا اٹوٹ انگ ہے۔

قیاس آرائیاں‌کرنے والوں کا خیال تھا کہ مرکزی حکومت کے پاس دو آپشن ہیں۔ ان میں واضح طور پر ہندوستانی آئین کے آرٹیکل 35 اے کو منسوخ کرنا تھا ، جس نے ریاست جموں و کشمیر (بھارتی زیر انتظام جموں‌کشمیر) کے مستقل سٹیٹ سبجیکٹ (پشتینی باشندہ) کی وضاحت کرنے کے حق کو تسلیم کیا تھا، جس کے تحت صرف کشمیری سٹیٹ سبجیکٹ ہی ریاستی خدمات اور تعلیمی اداروں میں داخلہ لے سکتے تھے ، املاک کے حقوق سے لطف اندوز ہوسکتے تھے اور اسمبلی انتخابات میں ووٹ ڈال سکتے تھے۔ ان حقوق نے یہ یقینی بنایا کہ بیرونی افراد ریاست میں‌شامل نہیں‌ہوں‌گے اور اس کی شناخت کو ختم نہیں کریں گے۔

ان برسوں میں یہ تصور کرنا مشکل تھا کہ ہندوستانی ریاست آرٹیکل 370 کو غیر موثر کررہی ہے اور آرٹیکل 35 اے (جسے نریندر مودی کی زیرقیادت قومی جمہوری اتحاد حکومت نے 5 اگست 2019 کو ختم کیا تھا) کو ختم کرنا ہے۔ کیا یہ غیر ریاستی شہریوں کو مستقل رہائشی سرٹیفکیٹ جاری کرنے کے دوسرے آپشن کا انتخاب نہیں کرسکتا ہے ، اور آخر کار وقت گزرنے کے ساتھ جموں و کشمیر(بھارتی زیر انتظام جموں‌کشمیر) کی خصوصیت یا خصوصی شناخت کو کمزور کرتا ہے؟

جلد ہی یہ قیاس آرائی ایک مقبول الزام میں بدل گئی۔ اس سے ایک ایسی چیخ و پکار شروع ہوگئی جس نے وزیر اعلیٰ فاروق عبد اللہ کو 1999 میں جسٹس (ر) اے کیو پارے کے ماتحت اسٹیٹ سبجکٹ انکوائری کمیشن قائم کرنے پر مجبور کیا۔ کمیشن کو یہ جانچ پڑتال سونپی گئی کہ آیا مستقل رہائشی سرٹیفکیٹ ان لوگوں کو جاری کیا گیا ہے جو اس کے اہل نہیں ہیں۔ مقامی تشہیر میں اس طرح کے سرٹیفیکیٹس کو جعلی پی آر سی ، یا جعلی مستقل رہائشی سرٹیفیکیٹ کہا جاتا ہے۔

کمیشن نے ، 2013 میں ، 137 جعلی پی آرسی کی نشاندہی کی تھی اور ان کو منسوخ کرنے کی سفارش کی تھی۔ یہ سفارش پیپلز ڈیموکریٹک پارٹی اور بھارتیہ جنتا پارٹی کی اتحادی حکومت کے وزیر برائے محصول بشارت بخاری کو سن 2016 میں موصول ہوئی تھی۔ انہوں نے اس سفارش کی تائید کی، جعلی پی آر سی جاری کرنے والوں کو سخت سے سخت سزا دینے کے لئے قانون میں ترمیم کی تجویز دی ، اور اپنی تجاویز کابینہ کو ارسال کیں ، جس نے اسے منظور کرلیا۔ فائل وزیر اعلی محبوبہ مفتی کے پاس گئی۔ اور وہیں معاملہ ختم ہوگیا۔

ایسا لگتا ہے کہ 137 جعلی PRCs کی فکر کرنے کے لئے بہت کم ہیں۔ تاہم کمیشن کو صرف جعلی پی آر سی رکھنے والے لوگوں کے خلاف کی جانے والی شکایات کی تحقیقات کا اختیار دیا گیا تھا۔ یہ ازخود انکوائری نہیں کرسکا۔ بخاری ، جو اب نیشنل کانفرنس میں ہیں ، کا کہنا ہے کہ یہی وجہ ہے کہ کمیشن کی [جعلی پی آر سی] کی فہرست کو مایوس کن نہیں سمجھا جاسکتا ہے۔ تمام PRCs کی جامع تحقیقات کے بعد ہی اصل صورتحال واضح ہو سکتی ہے۔

(بھارتی زیر انتظام)جموں وکشمیر کی حکومت کی جانب سے رواں‌سال 18 مئی کو جموں و کشمیر گرانٹ آف ڈومیسائل سرٹیفکیٹ (ضابطہ اخلاق) قواعد 2020 کے نفاذ کے بعد اس کے پس پردہ کہانی کی اہمیت کو سمجھا جاتا ہے۔ یہ قواعد ڈومیسائل سرٹیفکیٹ کے لئے درخواست دینے کے لئے لوگوں کی مختلف اقسام کے لئے ضروری قابلیت ، اور دستاویزات کی وضاحت کرتے ہیں جو انہیں‌ اپنے ڈومیسائل حاصل کرنے کے دعوے کی حمایت میں‌پیش کرنا ہونگے۔

ڈومیسائل سرٹیفکیٹ کو محفوظ بنانے کے لئے پی آر سی بہت ساری دستاویزات میں سے ایک ہے جو پیش کی جاسکتی ہے۔ اس کے بعد ، PRC کی اہمیت کو ختم کر دیا جائے گا: اس کا حامل اب مزید خصوصی حقوق سے لطف اندوز نہیں ہوگا۔ ڈومیسائل سرٹیفکیٹ رکھنے والے تمام افراد کے حقوق بھی ایک جیسے ہوں گے۔

حکومت PRC کے ساتھ ڈومیسائل سرٹیفکیٹ کے برابر سلوک کر سکتی ہے۔ ایسا نہیں ہے، کیوں کہ PRC کشمیری شناخت کی انفرادیت کا متناسب ثبوت تھا۔ سول سوسائٹی آرگنائزیشن جے اینڈ کے کولیشن کے پروگرام کوآرڈینیٹر خرم پرویز کا کہنا ہے کہ، ایک ہی جھٹکے میں پی آر سی ایک ماتحت سرٹیفکیٹ بن گیا ہے۔ یہ علامتی طور پر(بھارتی زیر انتظام) جموں و کشمیر کی خصوصیت یا خصوصی شناخت کو مکمل طور پر دفن کرنے کی کوشش کے مترادف ہے۔ ہندوستان نے وعدہ کیا تھا کہ کشمیر کی شناخت اسی کے اندر محفوظ رہے گی جس کو اب ہندوستان کےآئیڈیا کے نام سے جانا جاتا ہے۔

اس کی تدفین سے قبل حکام کے پاس ڈومیسائل کےلئے پیش کئے گئے حقیقی پی آر سی کو جعلی پی آر سی سے الگ کرنے کے لئے بہت کم وقت ہوگا۔ ڈومیسائل سرٹیفکیٹ رولز میں شامل بہت سے ابہامات کی یہ صرف ایک مثال ہے۔

دونوں مصنفین میں سے ایک نے جب پرنسپل سیکرٹری محکمہ اطلاعات روہت کنسل ڈومیسائل رولز کے بارے میں وضاحت کے لئے رابطہ کیا توروہت کنسل نے اس سے سوالات واٹس ایپ کرنے کو کہا لیکن سوالات بھیجے جانے کے بعد اڑتالیس گھنٹے جواب کا انتظارکرنے کے بعد تحریر لکھی گئی، جوابات تاحال ارسال نہ ہوئے تھے.

15 سال کا قانون:
ڈومیسائل رولز کے سیکشن 3 (اے) میں کہا گیا ہے کہ کوئی بھی فرد جو 15 سال کی مدت تک جموں و کشمیر میں مقیم ہے وہ ڈومیسائل سرٹیفکیٹ کا اہل ہوگا۔ اس زمرے میں وہ تمام افراد شامل ہوں گے جن کے پاس PRCs ہیں ، خواہ حقیقی ہوں یا جعلی ، مغربی پاکستان سے تعلق رکھنے والے مہاجرین جو تقسیم کے وقت (بھارتی زیرانتظام) جموں و کشمیر میں آباد ہوئے تھے ، اور غیر ریاستی مہاجرین جو 15 سال یا اس سے زیادہ عرصے سے کشمیر میں مقیم ہیں۔ “15 سال کی مدت” کا فقرا یہ بتاتا ہے کہ کوئی بھی ایسا شخص جو مسلسل پندرہ سال سے جموں‌کشمیر میں‌رہتا رہا ہو۔ غیر ریاستی مہاجرین کے بارے میں مردم شماری کے اعداد و شمار دستیاب ہیں۔ ڈومیسائل قواعد سے فائدہ اٹھانے کےلئے اہل افراد کی تعداد کا اندازہ لگانے کے لئے اعداد و شمار حاصل کئے جا سکتے ہیں۔

غیرریاستی مہاجرین:
(بھارتی زیر انتظام) جموں و کشمیرکو شمالی ہندوستان کی ریاستوں‌میں‌یہ امتیاز حاصل ہے کہ وہ دوسری ریاستوں سے آنے والے مہاجرین کو اپنی طرف متوجہ کرتی ہے، جس کی ایک بڑی وجہ دیگر ریاستوں‌سے زیادہ اجرت ملنا بھی ہے. اس کی اجرت قومی اوسط اجرت سے 1.43 گنا زیادہ ہے ، اترپردیش سے 1.5 گنا زیادہ ، اور بہار سے 1.64 گنا زیادہ ہے (جدول میں دیکھیں)۔

جدول اول: جموں و کشمیر کی اجرتوں کا تناسب قومی اوسط ، اتر پردیش (یوپی) اور بہار

تارکین وطن کے بارے میں 2011 کی مردم شماری کی رپورٹ کا تجزیہ کرتے ہوئے ہمیں معلوم ہوا ہے کہ (بھارتی زیر انتظام) جموں و کشمیر کی 1.23 کروڑ آبادی میں 28.09 لاکھ افراد مہاجر(غیر ریاستی) ہیں۔ (1.23 کروڑ میں سے ، لداخ ، جو گزشتہ سال جموں و کشمیر سے الگ یونین ٹیرٹری بنا تھا ، کی آبادی صرف 2.90 لاکھ تھی)۔ ایک بار وہاں جانے کے بعد ، باہر جانے والے غیر ریاستی مہاجرین (بھارتی زیر انتظام) جموں و کشمیر میں آباد ہونے پر مائل نظر آتے ہیں ، کم از کم اس لئے کہ اس کی مفت ، اعلی معیار کی تعلیم ان کے بچوں کی زندگی کے امکانات میں اضافہ کرتی ہے۔ جدول دوم ان تارکین وطن کو ان کی تعداد کے مطابق دکھاتا ہے جو انہوں نے جموں و کشمیر میں رہ چکے ہیں۔

جدول دوم: جموں و کشمیر میں مہاجروں کا توڑنا (2011 مردم شماری)

ٹیبل نمبر دو سے یہ واضح ہے کہ 2011 تک ، تقریبا 50فیصد یا 14 لاکھ غیر ریاستی مہاجرین پہلے ہی 10 سال یا اس سے زیادہ عرصہ سے (بھارتی زیر انتظام) جموں و کشمیر میں رہ رہے تھے۔ تقریبا 12فیصد یعنی 3.35 لاکھ پانچ سے نو سال کے عرصہ سے رہائش پذیر ہیں۔ 2011 کی مردم شماری کے بعد دس سال گزر چکے ہیں ، اس طرح یہ اشارہ ہوتا ہے کہ یہ دونوں قسم کے تارکین وطن ڈومیسائل سرٹیفکیٹ کے حصول کے لئے مقرر کردہ 15 سالہ قاعدہ کو پورا کرتے ہیں۔ دوسرے لفظوں میں 17.4 لاکھ (غیرریاستی)افراد یقینی طور پر ڈومیسائل حقوق حاصل کرسکتے ہیں ، جو 2011 میں (بھارتی زیر انتظام )جموں و کشمیر کی 1.23 کروڑ آبادی کا تقریبا 14 فیصد تھا۔ (2011 کی مردم شماری میں‌درج نتائج کے مطابق یہ سمجھا جاسکتا ہے کہ طویل مدتی اور درمیانی مدت کے تمام غیر ریاستی مہاجرین جموں و کشمیر میں ہی مستقل طور پر رہائش پذیر ہیں۔)

ان اعداد و شمار کا مذاق اڑایا نہیں جاسکتا۔ ان سے (بھارتی زیر انتظام) جموں و کشمیر کی سیاسی منظر میں تبدیلی آئے گی۔ ماضی کے برعکس اب یہ لوگ جموں و کشمیر کی اسمبلی اور بلدیاتی انتخابات میں ووٹ ڈالیں گے۔ انتخابی فتح میں‌فیصلہ کن کردار کے ساتھ ڈومیسائل حاصل کرنے والے غیر ریاستی مہاجرین ایک ناقابل یقین سیاسی قد حاصل کر لیں‌گے۔

لیکن ممکنہ طور پر 17.4 لاکھ غیر ریاستی مہاجرین محض ایک بلبلا ہوگا کیونکہ 2020 تک مختصر مدت کےلئے (بھارتی زیر انتظام) جموں‌کشمیر میں‌رہنے والے غیر ریاستی مہاجرین کا ایک تناسب بھی پندرہ سال کی مدت پوری کرنا چاہے گا۔ یہ امکان بھی موجود ہے کہ 2011 میں‌ایسے بھی بے شمار غیر ریاستی مہاجرین موجود ہونگے جنہوں‌نے مردم شماری میں‌اپنا آپ درج نہیں‌کروایا اور پندرہ سال یا اس سے زیادہ عرصہ سے یہاں‌رہائش پذیر ہیں.

اس سے (بھارتی زیر انتظام) جموں و کشمیر کے اعداد و شمار کی نوعیت بدل جاتی ہے ، اور ان لوگوں کی سیاسی اہمیت کم ہوجاتی ہے جو ریاست کے مستقل باشندے ہیں۔ یہ حقیقت پسندی ہے کہ اس خطے کی سیاسی اور سماجی ثقافتی شناخت ایک دوسرے کے ساتھ بنے ہوئے ہیں۔

سات سال کا قاعدہ:
ڈومیسائل سرٹیفکیٹ رولز کے سیکشن 3 (اے) میں کہا گیا ہے کہ وہ شخص جس نے سات سال تک ریاست میں‌تعلیم حاصل کی ہو اور ریاست جموں و کشمیر(بھارتی زیر انتظام جموں‌کشمیر) میں کلاس دہم یا بارہویں جماعت پاس کی ہو وہ ڈومیسائل سرٹیفکیٹ کے لئے درخواست دے سکتا ہے۔

جب تک کہ بچے رہائشی اسکول یا سرکاری زیر انتظام ہاسٹلز میں داخل نہ ہوں ،تب تک بہت زیادہ امکان نہیں ہے کہ وہ (بھارتی زیر انتظام) جموں و کشمیر میں اپنی تعلیم کے لئے تن تنہا رہ چکے ہوں۔ وہ کون لوگ ہونگے؟ وہ بیرون ملک مہاجرین کے بچے ہوں گے ، خواہ معمولی ملازمت پر رکھے گئے ہوں ، یا نجی شعبے میں ملازمت کررہے ہوں ، یا اپنا کاروبار چلارہے ہوں۔ ان کے والدین شاید 15 سالہ قاعدہ کو پورا نہیں کرسکتے ہیں ، لیکن اگر انکے بچوں‌نے جموں‌و کشمیر میں‌سات سال تعلیم حاصل کی اور کلاس دہم یا بارہویں‌جماعت پاس کی ہے. جو ناکام ہوئے ان لوگوں‌کو افسوس ہے! وہ (بھارتی زیر انتظام) جموں‌و کشمیر کے ڈومیسائل نہیں‌بن سکتے.

یہ ممکن ہے کہ نجی شعبے میں‌کام کرنے والے (بھارتی زیر انتظام) جموں و کشمیر میں سات یا آٹھ سال تک کام کرنے کے بعد یونین ٹیریٹری سے باہر کر دیئے جائیں۔ لیکن ڈومیسائل سرٹیفکیٹ حاصل کرنے کے لئے ان کے بچے مستقبل میں (بھارتی زیر انتظام) جموں و کشمیر واپس جاسکتے ہیں۔

کشمیر ٹائمز کی ایگزیکٹو ایڈیٹر انورادھا بھاسن نے ایک اور بے ضابطگی کی طرف اشارہ کیا، وہ کہتی ہیں کہ ڈومیسائل قاعدوں‌میں‌کوئی کٹ آف مدت نہیں‌ہوتی.کوئی بھی ایسا شخص جو گزشتہ ستر سالوں‌میں‌سات سال تک جموں‌کشمیر میں‌تعلیم حاصل کر چکا ہے ڈومیسائل کا اہل ہوگا.

تمام مستفید افراد کو 17.4 لاکھ غیر ریاستی مہاجرین میں شامل کریں جو 15 سالہ مدت کو پورا کرتے ہیں اور آپ جموں و کشمیر میں آبادیاتی تبدیلی کی نوعیت کو سمجھ سکتے ہیں۔

پاکستانی مہاجر:
15 سالہ قاعدے کے تحت وہ کنبے بھی آئیں گے جو مغربی پاکستان سے (بھارتی زیر انتظام) جموں و کشمیر فرار ہوگئے اور وہیں آباد ہوگئے۔ (بھارتی زیر انتظام) جموں و کشمیر میں مغربی پاکستانی پناہ گزینوں کی تعداد کے بارے میں ڈھائی لاکھ سے لیکر پانچ لاکھ تک کہ مختلف تخمینے ہیں۔ ان کی غیر ریاستی رہائشی حیثیت کو آرٹیکل 35 اے کے خاتمے کے ایک جواز کے طورپر پیش کیا گیا تھا۔ تاہم ، مہاجرین کے معاملے نے 2018 میں غیر متوقع موڑ لیا۔

مذکورہ سال میں مرکزی حکومت نے مغربی پاکستان کے ہر پناہ گزین خاندانوں کو مالی مدد کے طور پر 5.5 لاکھ روپے فراہم کرنے کا فیصلہ کیا۔ انڈین ایکسپریس کی ایک رپورٹ کے مطابق کسی ایک کنبہ نے بھی امداد کا فائدہ اٹھانے کے لئے درخواست نہیں دی۔ کچھ افراد ایسے تھے جنہوں نے درخواست دینے کے کچھ وقت بعد اپنی درخواستیں واپس لے لیں۔

اخبار نے درخواستیں‌نہ دیئے جانے کے رجحان کی وضاحت کرنے کےلئے بیوروکریسی اور مہاجر رہنماؤں میں ذرائع کا حوالہ دیا۔ زیادہ تر پناہ گزینوں نے مغربی پاکستان سے فرار ہونے کے وقت اپنی دستاویزات ساتھ نہیں‌رکھیں، یا بعد کے عشروں‌کے دوران ان سے وہ دستاویزات کھو گئیں. یا وقت گزرنے کے ساتھ ساتھ ان سب پناہ گزینوں‌نے جعلی طریقوں‌سے پی آر سی خرید لئے. جعلی پی آر سی پکڑے جانے پر سزا کے ڈر سے انہوں‌نے مرکزی حکومت کی ساڑھے پانچ لاکھ کی امداد کےلئے درخواست نہ دینے میں‌ہی عافیت سمجھی.

ہونا تو یہ چاہیے تھا کہ انتظامیہ 2018 کہ واقعے کی ایک غیر جانبدارانہ تحقیقات کرتی کہ آخر کیوں مغربی پاکستان سے آئے ایک بھی مہاجر نے حکومتی امداد کےلئے درخواست نہ دی. جعلی پی آر سی جاری کرنے کی تاریخ کو فراموش کرتے ہوئے اب ڈومیسائل سرٹیفکیٹ کے نئے قاعدوں‌کے بعد جعلی پی آر سی کے معاملے پرمٹی ڈال دی جائے گی.

انڈین ایکسپریس نے مہاجر رہنماؤں کے حوالے سے بتایا ہے کہ (بھارتی زیر انتظام) جموں و کشمیر میں 20،000 کے قریب مغربی پاکستان سے آنے والے پناہ گزین ہیں۔ تو پھر یہ دعوی کرنے کی کیا بنیاد ہے کہ (بھارتی زیر انتظام) جموں و کشمیر میں ڈھائی سے پانچ لاکھ مہاجرین مقیم ہیں؟ اس کے پیچھے کیا مقاصد ہیں؟

داخلی مہاجرین:
ڈومیسائل سرٹیفکیٹ رولز کا سیکشن 3 (بی) ان تمام تارکین وطن کو ڈومیسائل حقوق فراہم کرتا ہے جو جموں و کشمیر میں ریلیف اینڈ ری ہیبلٹیشن کمشنربرائے مہاجرین(امدادی و بازآبادکاری کمشنر برائے مہاجرین) کے ساتھ رجسٹرڈ ہیں۔ یہ بنیادی طور پر وہ مہاجر ہیں جو عسکریت پسندی کی وجہ سے کشمیر سے جموں منتقل ہوگئے تھے۔

تقریبا 1.53 لاکھ کشمیری تارکین وطن جو 43،930 خاندانوں پر مشتمل ہیں، امدادی و بازآبادکاری کمشنر کے پاس رجسٹرڈ ہیں۔ کمشنر کے ساتھ رجسٹرڈ 979 خاندان ایسے بھی ہیں‌جو جموں‌کے خطے کے مختلف علاقوں‌جیسے ڈوڈا، ادھم پور، راجوری اور پونچھ سے نسبتا عسکریت سے پاک علاقوں‌کی طرف نقل مکانی کر چکے ہیں۔

یہ تمام کنبے جو (بھارتی زیر انتظام)جموں و کشمیر کے ہیں، کے PRCs ہونے چاہئیں۔ اس سے متعلق انورادھا بھسین نے ایک معقول سوال اٹھایا ہے، وہ کہتی ہیں کہ چونکہ ان سب کو پی آر سی ہونا چاہیے تو پھر ان کےلئے انہو‌ں نے داخلی مہاجرین کا ایک الگ زمرہ کیوں‌بنایا؟ عہدیداروں کا کہنا ہے کہ کشمیری پنڈت جو پہلے [امدادی اور بازآبادکاری کمشنر کے ساتھ] رجسٹرڈ نہیں تھے ، اب ان کو اندراج کی اجازت ہوگی۔

اس معاملے کو اگر تسلیم کر بھی لیا جائے پھر بھی ان کشمیری پنڈتوں‌کے پاس پی آر سی تو ہونگے، یا ان کے والدین کے پی آر سی تو ہونگے. انورادھا بھسین یہ سوال پوچھتی ہیں‌کہ کیا یہ ان پنڈتوں‌کو واپس لانے کی کوشش ہو رہی ہے جو ایک صدی یا اس سے بھی زیادہ پہلے ہندوستان کے دوسرے حصوں‌میں‌منتقل ہو چکے تھے؟وقت کو پیچھے کر لینے سے غیر مسلم کشمیریوں‌کی تعداد اور طاقت میں‌اضافہ ہوگا.

اشرافیہ کی رہائش:
شاید ڈومیسائل رولز کے تمام سیکشنز میں سب سے زیادہ متنازعہ 3 (c) ہے ، جس میں کہا گیا ہے کہ “مرکزی حکومت کے سرکاری [اراکین] ، آل انڈیا سروس آفیسرز” ، اور دیگر متعدد جو(بھارتی زیر انتظام) جموں و کشمیر میں کل دس سال کی مدت تک خدمات انجام دے چکے ہیں،ڈومیسائل سرٹیفکیٹ کے لئے درخواست دینے کے اہل ہیں۔

کوئی کٹ آف مدت طے نہیں کی گئی ہے ، اس کا صاف مطلب یہ ہے کہ جموں و کشمیر میں خدمات انجام دینے والے ایسے تمام افراد کے بچے ڈومیسائل سرٹیفکیٹ کے لئے درخواست دے سکتے ہیں، جنہوں‌نے دس سال تک خدمات انجام دیں۔

ایک سوال یہ پیدا ہوتا ہے: کیا مرکزی حکومت کے عہدیدار یا کسی فوجی کی مسلسل ایک پوسٹنگ میں‌دس سالہ سروس کو شمار کیا جائے گا؟ “10 سال کی کل مدت” کے معنی پر پائے جانے والے الجھن کو ایک مثال کے ذریعے سمجھا جا سکتا ہے۔ ایک اہلکار یا افسر اپنے تبادلے سے پہلے ہی جموں وکشمیر میں چار یا پانچ سال خدمات انجام دے چکا ہو۔ کچھ سال بعد وہ مزید پانچ یا چھ سال خدمات انجام دینے کے لئے (بھارتی زیر انتظام) جموں و کشمیر واپس آجائے تو مجموعی طور پراس نے 10 سال خدمات انجام دیں۔ کیا گنتی کا یہ طریقہ لاگو ہوگا؟ یا افسروں کو لگاتار(ایک ہی پوسٹنگ میں) 10 سال خدمات انجام دینے کی ضرورت ہوگی؟ ہم نے یہ سوال روہت کنسل سے پوچھا لیکن انہوں نے کوئی جواب نہیں دیا۔

تاہم ایسا لگتا ہے کہ قواعد ترتیب دینے والوں کا مطلب مجموعی معنی میں کل دس سال ہی ہے، لہذا جیسا کہ سیکشن 3 (اے) کے فقرے میں 15 سال کی مدت کہا گیا ہے، جو 15 سال کی مستقل رہائش کا اشارہ دیتا ہے۔ یہ بھی لگتا ہے کہ ڈومیسائل حق غیر ریاستی اہلکاروں کے بچوں کو پیش دیاجا رہا ہے جو خود اس کے اہل ہی نہیں ہیں، یہ سراسر بے وقوفی کی ایک واضح مثال ہے۔

ہم مرکزی حکومت کے عہدیداروں اور افسران، جنہوں‌نے گزشتہ سات دہائیوں‌کے دوران جموں‌کشمیر میں جامع طور پر دس سال کی ڈیوٹی سرانجام دی، کی تعداد گننے کے لئے اعداد و شمار کو حاصل نہیں کرسکے۔ خرم پرویز کہتے ہیں کہ تعداد بہت زیادہ ہوگی۔ یہ بات بالکل واضح ہے کہ (بھارتی زیر انتظام) جموں و کشمیر کے دروازے کو بیرونی لوگوں کے لئے ڈومیسائل حقوق حاصل کرنے، وہاں پراپرٹی خریدنے یا ریاستی خدمات میں داخل ہونے کے لئے کھول دیا گیا ہے۔

مراعات:
ظاہر ہے ، سیکشن 3 (اے) یا 3 (سی) میں مذکور بچے (بھارتی زیر انتظام) جموں و کشمیر میں اس وقت تک نہیں آئیں گے جب تک اپنی رہائش کی جگہ پر کوئی مسئلہ نہ ہو، یا ان کی نقل مکانے کےلئے حوصلہ افزائی نہ کیجائے۔ یا (بھارتی زیر انتظام) جموں‌کشمیر کے قانونی ڈھانچے میں‌ تبدیلیاں انکو مراعات فراہم نہ کر رہی ہوں. جنہیں حاصلکرنے کےلئے وہ مہم جوئی کریں.

5 اگست 2019 تک (بھارتی زیر انتظام) جموں و کشمیر سے باہر کا کوئی فرد وہاں اراضی نہیں خرید سکتا تھا۔ لیکن اب حکومت نے (بھارتی زیر انتظام) جموں و کشمیر میں زمین خریدنے والے بیرونی افراد کی تمام قانونی رکاوٹوں کو دور کردیا ہے۔ اس طرح جموں و کشمیر ٹرانسفر آف پراپرٹی ایکٹ ، 1977 کی سیکشن 139 اور سیکشن 140 ، جے اینڈ کے بگ لینڈڈ اسٹیٹس خاتمہ ایکٹ ، 1950 کی سیکشن 20-A ، اور جے اینڈ کے ایلینیشن آف لینڈ ایکٹ 1938 کی سیکشن 4 کو ختم کردیا گیا ہے۔ ان دفعات کے تحت غیر ریاستی افراد کو اراضی کی فروخت اور تبادلہ ممنوع تھا۔

سابق قانون سکریٹری اشرف میر کا کہنا ہے کہ یہ تبدیلیاں غیر ریاستی لوگوں کو جموں و کشمیر میں جائیداد حاصل کرنے کی دعوت ہے۔ یہ بتانے کی ضرورت نہیں ہے کہ مزید 15 سالوں میں وہ (بھارتی زیر انتظام) جموں و کشمیر کا ڈومیسائل بھی حاصل کرسکتے ہیں۔ چونکہ اقتدار دولت کا پیچھا کرتا ہے ، لہذا وہ (بھارتی زیر انتظام) جموں وکشمیر اسمبلی میں داخل ہونے کی امید بھی کر سکتے ہیں۔

قوانین میں رکاوٹ نچلے طبقے کے لئے مراعات بھی فراہم کرتی ہے۔ جموں و کشمیر پراپرٹی رائٹس برائے کچی آبادیوں کے ایکٹ 2012 کو دیکھیں تواس سے ریاست کے مستقل رہائشی کے تمام حوالہ جات کو خارج کر دیا گیا ہے ، جس میں سیکشن 3 بھی شامل ہے۔ درحقیقت سیکشن 3 میں لکھا ہے کہ اس کے نفاذ کے بعد کوئی بھی ایسا بے گھر شخص جو یکم جنوری 2010 سے کسی بھی شہر یا شہری علاقے کی کچی آبادی میں‌رہتا ہے وہ سستی قیمت پر رہائشی مکان کا حقدارہوگا.

یہ قانون ہندی سرزمین کے نچلی طبقے کو کو اپنی جانب مائل کرے گا جو جموں و کشمیر کی معیاری تعلیم مفت میں حاصل کرسکتے ہیں اور رہنے کے لئے ایک سستی رہائش حاصل کرسکتے ہیں۔ رہائشی مکان کی ملکیت پراپرٹی کی دستاویز تیار کرے گی ، جسے ڈومیسائل سرٹیفکیٹ کے حصول کے لئے پیش کیا جاسکتا ہے۔ اس طرح غیر ریاستی باشندوں‌کی ایک بڑی تعداد 2025 تک ڈومیسائل حاصل کر سکتی ہے.

خرم پرویز کے خیال میں کچی آبادی ایکٹ میں تبدیلی دہلی کا ماسٹر اسٹروک ہے۔ وہ وضاحت کرتے ہیں کہ شہری ہندوستانی متوسط ​​طبقے کا فرد (بھارتی زیر انتظام) جموں وکشمیر میں آباد ہونے میں خاص دلچسپی نہیں رکھتا ، جہاں مواقع ہندوستان کے دوسرے حصوں کے مقابلے میں بہت محدود ہیں۔ وہ بیرون ملک جانے کو ترجیح دے گا۔ اس کے برعکس یہ نچلے طبقے کےلئے منافع بخش پیش کش ہے۔

خرم پرویز کو یہ بھی لگتا ہے کہ جموں خطے میں اراضی اور مکانات خریدے جائیں گے ، کم از کم ان اضلاع میں جن میں ہندو اکثریت ہے۔ انکا کہنا ہے کہ وادی (کشمیر) میں بہت زیادہ معاشرتی دباؤ ہو گا کہ وہ غیر ریاستیوں کو زمینیں فروخت نہ کریں۔ اس دباؤ کی ایک شکل عسکریت پسندوں کی طرف سے بھی آئے گی۔ پرویز نے یہ بھی نشاندہی کی کہ کشمیر کے پاکستان کے زیر قبضہ علاقے (پاکستانی زیر انتظام کشمیر)میں پاکستانیوں کے زمین خریدنے پر قانونی طور پر پابندی عائد ہے۔

یقینی طور پر جموں خطے کے منظر نامے کے ساتھ ساتھ اس کی آبادی کو بھی تبدیل کیا جائے گا۔ انورادھابھسين نے پیش گوئی کی ہے کہ لینڈ شارک ، رئیلٹرز اور بڑی کمپنیوں کے لئے ایک راستہ کھل جائیگا جسکے ماحولیات پرشدید اثرات پڑیں گے۔

سابق کابینہ کے وزیر اور کانگریس کے رہنما رمن بھلا نے دفعہ 3 (سی) کی مخالفت کرتے ہوئے کہا کہ بیرونی افراد کو بطور ڈومیسائل شامل کرنے سے (بھارتی زیر انتظام) جموں و کشمیر کے باشندوں کے لئے تعلیمی اداروں میں ملازمتوں اور نشستوں کا حصول مشکل ہوجائے گا۔ بھلا نے کہا کہ وہاں ایک اضطرابی کیفیت پیدا ہوگئی ہے۔یہی وجہ ہے کہ بی جے پی اسمبلی انتخابات کروانے میں اتنی تذبذب کا شکار ہے۔

NRIC بمقابلہ ڈومیسائل سرٹیفکیٹ:
ڈومیسائل سرٹیفکیٹ قواعد ایسے بنائے گئے ہیں کہ زیادہ سے زیادہ غیر مستقل باشندوں کو ممکنہ طور پر ڈومیسائل کے زمرے میں شامل کیا جائے۔ یہ دفعہ 5 اور سیکشن 6 کو پڑھنے سے واضح ہوجاتا ہے۔ اس طرح دفعہ 5 میں مجاز اتھارٹی کا نام ہے جس میں درخواست دہندگان کے ہر زمرے کے ذریعہ دستاویزات ڈومیسائل سرٹیفکیٹ کے اپنے دعووں کی حمایت میں پیش کرنا پڑتی ہیں۔ زیادہ تر معاملات میں تحصیلدار ہی مجاز اتھارٹی ہے۔

دفعہ 6 میں کہا گیا ہے کہ مجاز اتھارٹی کو ڈومیسائل سرٹیفکیٹ کی درخواست کو 15 دن کے اندر قبول کرنا یا مسترد کرنا ہوگا۔ اگر وہ 15 دن کی میعاد ختم ہونے پر نہیں کرتا ہے تو درخواست دہندہ اپیلٹ اتھارٹی سے اپیل کرسکتا ہے ، جو زیادہ تر معاملات میں ڈپٹی کمشنر ہوتا ہے۔ اگر اپیلٹ اتھارٹی درخواست دہندہ کی اپیل کو برقرار رکھتی ہے تو ، مجاز اتھارٹی یا تحصیلدار کو اگلے سات دن میں سرٹیفکیٹ جاری کرنا ہوگا ، بصورت دیگر اس پر پچاس ہزار روپے جرمانہ عائد کیا جائے گا۔

جعلی پی آر سی کے رجحان ، اور جس آسانی سے راشن کارڈز ، کرایے کی دستاویزات وغیرہ کو بھارت میں مشکوک طریقے سے تیار کیا جاتا ہے، اسے دیکھتے ہوئے ، تحصیلدار پر دباؤ ہوگا کہ وہ معاون دستاویزات کی گہرائی سے چھان بین کو نظرانداز کرے۔ بہر حال ، جو لوگ سرٹیفکیٹ وصول کرلینگے وہ اپیل اتھارٹی کے پاس اپیل نہیں کریں گے۔

واضح طور پر ڈومیسائل سرٹیفکیٹ قواعد اجراء کے اصول پر زور دیتے ہیں۔ دوسرے الفاظ میں قواعد درخواست دہندہ کو شک کا فائدہ دیتے ہیں۔

ہندوستانی شہریوں کے قومی رجسٹر تیار کرنے کے لئے تجویز کردہ طریقہ کار سے اس کا موازنہ کیاجائے تو اس کے تحت کسی بھی شہری کو مختلف مراحل میں کسی شہری کے قومی رجسٹر میں شامل ہونے پر اعتراض کرنے کا حق دیا گیا ہے۔ جو جرم ثابت کرنے کے لئے مشتبہ شخص پر مسلط ہے۔ یہاں زور لوگوں‌کو شہری رجسٹر سے خارج کرنے کے اصول پر ہے۔

کیا یہ نتیجہ اخذ کرنا غلط ہے کہ این آر آئی سی کا طریقہ کار مسلمانوں اور پسماندہ گروہوں کو ختم کرنے کے لئے سخت بنایا گیا ہے ، جیسا کہ قانونی ماہرین نے بتایا ہے؟ اسی طرح ، یہ نتیجہ اخذ کرنا غلط ہے کہ جموں وکشمیر میں ڈومیسائل سرٹیفکیٹ دینے کے لئے جو طریقہ کار تیار کیا گیا ہے وہ زیادہ تر بیرونی افراد اور ترجیحی طور پر ہندوؤں کوڈومیسائل کے زمرے میں شامل کرنے کے لئے تیار کیا گیا ہے؟

ان سوالات کے جوابات سے قطع نظر، ایک بات یقینی ہے۔ جموں و کشمیر کی آبادیاتی تبدیلی ناقابل یقین حد تک تبدیل ہونے والی ہے، ایسی رفتار سے کہ ڈومیسائل سرٹیفکیٹ کے اجراء کا طریقہ کار بہت بدقسمتی سے ایک استعماری نو آبادیاتی منصوبہ معلوم ہوگا۔

(نوٹ: مذکورہ بالا مضمون آزاد صحافی اعجاز اشرف اور پی ایچ ڈی طالب علم ونیش کارتک کے آر نے انگریزی زبان میں‌بھارتی نیوز ویب سائٹ نیوز کلک کےلئے لکھا، جسے مجادلہ کے قارئین کےلئے اردو میں‌ترجمہ کیا گیا ہے. اصل مضمون یہاں‌کلک کر کے پڑھا جا سکتا ہے.)